У Беларусі запрацаваў адмысловы сайт для абітурыентаў. Там можна даведацца інфармацыю аб прыёмнай кампаніі 2024 года ў беларускіх вну, правілах паступлення і апошніх навінах, паведамляе Міністэрства адукацыі.
На сайце abiturient.by таксама ёсць калькулятар, з дапамогай якога можна праверыць, ці хапае абітурыенту прахадных балаў на спецыяльнасці розных універсітэтаў.
Там жа можна параўнаць свае паказнікі з дадзенымі паступленняў мінулых гадоў або паглядзець каталог устаноў вышэйшай адукацыі Беларусі.
«Белсат» пратэставаў сістэму параўнання паказнікаў. Мы выбралі тры прадметы: рускую мову, матэматыку і фізіку. Далей выбралі Берасцейскую вобласць у пошуку і дадалі свае ўмоўныя балы. Сістэма прапанавала наступныя варыянты па выбраных прадметах:
Беларускія абітурыенты будуць здаваць цэнтралізаванае тэставанне з 27 траўня па 6 чэрвеня. Каб трапіць на ЦТ, трэба зарэгістравацца з 9 па 22 красавіка.
Арсен Рудэнка belsat.eu