З прычыны абмежаванняў, уведзеных на пастаўку расейскага газу з пачатку вайны ва Украіне, Злучаныя Штаты Амерыкі ўпершыню ў гісторыі паставілі ў Еўропу больш газу, чымся Расея.
Рэкордныя пастаўкі былі зафіксаваныя ў чэрвені 2022 года. Пра гэта ў Twitter заявіў выканаўчы дырэктар Міжнароднага энергетычнага агенцтва Фатых Бірол.
«Рэзкае скарачэнне Расеяй аб’ёмаў прыроднага газу ў ЕЗ азначае, што гэта першы месяц у гісторыі, калі ЕЗ імпартаваў больш газу ў выглядзе СПГ з ЗША, чым па трубаправодах з Расеі. Падзенне расейскай прапановы патрабуе намаганняў па змяншэнні попыту ў ЕЗ, каб падрыхтавацца да цяжкай зімы», – адзначыў Бірол.
Russia’s recent steep cuts in natural gas flows to the EU mean this is the 1st month in history in which the EU has imported more gas via LNG from the US than via pipeline from Russia
The drop in Russian supply calls for efforts to reduce EU demand to prepare for a tough winter pic.twitter.com/YmjvRN39ND
— Fatih Birol (@fbirol) June 30, 2022
У дакладзе міжнароднага агенцтва «Fitch» сказана, што Еўразвязу можа спатрэбіцца больш за тры гады, каб скампенсаваць поўную адмову ад паставак газу з Расеі. Таксама аналітыкі падкрэсліваюць, што спыненне паставак не «базавы сцэнар», а рызыка.
Алена Рувіна belsat.eu