Старшыня Еўракамісіі Урзуля фон дэр Ляен і вярхоўны прадстаўнік Еўракамісіі ў справах замежнай палітыкі і бяспекі Жузэп Бурэль 2 лютага прыехалі ва ўкраінскую сталіцу. Яны апублікавалі фатаграфіі з цэнтральнага вакзалу Кіева.
«Прыемна вярнуцца ў Кіеў, у мой чацвёрты раз пасля ўварвання Расеі. На гэты раз з маёй камандай камісараў. Мы сабраліся тут разам, каб паказаць, што ЕЗ як ніколі цвёрда падтрымлівае Украіну. І для далейшага паглыблення нашага падтрымання і супрацы», – напісала Урзуля фон дэр Ляен у Twitter.
Good to be back in Kyiv, my 4th time since Russia‘s invasion.
This time, with my team of Commissioners.
We are here together to show that the EU stands by Ukraine as firmly as ever.
And to deepen further our support and cooperation. pic.twitter.com/zf8fvoNKnG
— Ursula von der Leyen (@vonderleyen) February 2, 2023
У допісе пра сваё прыбыццё ў Кіеў Жузэп Бурэль заявіў, што ЕЗ з пачатку вайны з Расеяй вылучыў Украіне 50 мільярдаў еўраў.
«Прыбыў у Кіеў, каб перадаць самае рашучае пасланне ЕЗ наконт падтрымання ўсіх украінцаў, якія абараняюць сваю краіну. Дапамога ЕЗ дасягнула 50 мільярдаў еўраў з пачатку вайны з Расеяй. Еўропа адзіная была з Украінаю з першага дня. І далей будзе стаяць з вамі, каб перамагаць і аднаўляць», – напісаў Жузэп Бурэль.
Arrived in Kyiv to convey EU’s strongest message of support to all Ukrainians defending their country.
EU assistance has reached €50 billion since the start of Russia’s war. Europe stood united with Ukraine from day one. And will still stand with you to win and rebuild. pic.twitter.com/wfhIo9f9HT
— Josep Borrell Fontelles (@JosepBorrellF) February 2, 2023
Заўтра, 3 лютага, у Кіеве мае прайсці саміт «Украіна – Еўразвяз». На ім плануецца абмеркаваць адносіны паміж Украінай і Еўразвязам і далучэнне краіны да ЕЗ.
«Візіт калегіі – моцны сімвал падтрымання Еўракамісіяй Украіны ва ўмовах несправакаванай і неапраўданай агрэсіі Расеі. Сустрэча паміж Камісіяй і ўкраінскім урадам дасць магчымасць абмяняцца думкамі ў многіх напрамках супрацы паміж ЕЗ і Украінай і абмеркаваць рэканструкцыю, а таксама еўрапейскі шлях краіны. Гэта таксама магчымасць паглыбіць далейшую супрацу з Украінай», – заявілі ў прэс-службе Еўракамісіі.
Нагадаем, што леташнім чэрвенем Украіна атрымлівала статус кандыдата на ўступленне ў Еўразвяз.
Алена Рувіна belsat.eu