Федэральная авіяцыйная адміністрацыя Злучаных Штатаў будзе блакаваць усе расейскія самалёты. Рашэнні набудуць моц да канца 2 сакавіка.
Рашэнне раней анансаваў прэзідэнт ЗША Джо Байдэн. Усе самалёты, якія неяк звязаныя з грамадзянамі Расеі або нават іхнымі інтарэсамі, страцяць права знаходзіцца ў паветранай прасторы ЗША. Гэта тычыцца пасажырскіх і грузавых самалётаў, рэгулярных і чартарных рэйсаў.
Паводле расейскіх дзяржаўных медыяў, ЗША паведамілі, што будуць перахопліваць самалёты, якія не падпарадкуюцца, і пілотаў тады будуць затрымліваць і дапытваць.
«Злучаныя Штаты стаяць разам з нашымі саюзнікамі і партнёрамі ва ўсім свеце ў адказе на нічым не справакаваную агрэсію Пуціна супраць народу Украіны», – растлумачыў міністр транспарту ЗША Піт Бутыджыдж.
Сваё неба для Расеі закрылі ўжо краіны Еўразвязу і Вялікая Брытанія.
АА belsat.eu