Падчас велікодных святаў на беларуска-польскай мяжы рэзка вырасла колькасць спробаў нелегальнага пераходу з Беларусі на тэрыторыю Польшчы.
Паводле польскай Памежнай аховы, з 29 сакавіка да 1 красавіка на беларуска-польскай мяжы зафіксавалі 736 спробаў нелегальнага пераходу.
Гэта ўдвая больш, чым фіксавалася ў папярэднія дні: гэтак, 27–28 сакавіка было адзначана 356 спробаў перасячэння мяжы, а 25–26 сакавіка – 243 спробы. За мінулыя выходныя было зроблена 444 спробы нелегальна трапіць на тэрыторыю Польшчы з Беларусі.
W ostatnich dniach (29.03-1.04) na granicy z Białorusią 🇧🇾odnotowano 736 prób nielegalnego przedostania się do Polski🇵🇱. Zdarzenia miały miejsce w rejonie #PSGBiałowieża, #PSGDubiczeCerkiewne, #PSGPłaska, #PSGMielnik, #PSGNarewka oraz #PSGCzeremcha. pic.twitter.com/9sTxQ4wX3V
— Straż Graniczna (@Straz_Graniczna) April 2, 2024
Пры гэтым польская Памежная ахова апублікавала відэа, на якім бачна, што мігранты паводзяцца агрэсіўна, кідаючы ў памежнікаў розныя прадметы.
Раман Шавель belsat.eu