2 лістапада на Нацыянальным прававым інтэрнэт-партале апублікаваная пастанова Савету Міністраў № 617 ад 29 кастрычніка, згодна з якой сваіх пасадаў пазбавіліся адразу тры першыя намеснікі розных міністраў.
Гэтак, Алена Богдан звольненая з пасады першага намесніка міністра аховы здароўя ў сувязі з пераходам на іншую працу – кіраўніцы камітэту аховы здароўя Менгарвыканкаму.
А першы намеснік міністра замежных справаў Аляксандр Гур’янаў і першы намеснік міністра юстыцыі Сяргей Задзіран звольненыя на пагадненне бакоў.
Пра адстаўку Гур’янава яшчэ 30 кастрычніка пісаў тэлеграм-канал «Ник и Майк».
Што датычыць Мінюсту, дык адтуль 18 кастрычніка звольнілі міністра Алега Сліжэўскага, прызначыўшы замест яго Сяргея Хаменку з Міністэрства ўнутраных справаў, які нават не мае адмысловай адукацыі.
МГ belsat.eu
