На мяжы Польшчы з Калінінградскай вобласцю Расейскай Федэрацыі распачата будаўніцтва агароджы. Аб гэтым перадае TVP.
Аб пачатку будоўлі 2 лістапада заявіў міністр нацыянальнай абароны Польшчы Мар’юш Блашчак. Рашэнне прынятае ў сувязі з тым, што Расея адкрыла калінінградскі аэрапорт для самалётаў з Бліжняга Усходу і Паўночнай Афрыкі, што стварае пагрозу новага абвастрэння мігранцкага крызісу.
💬 Wicepremier @mblaszczak, szef @MON_GOV_PL: Zdecydowałem o podjęciu działań, które wzmocnią bezpieczeństwo na granicy z Obwodem Kaliningradzkim poprzez uszczelnienie tej granicy. Już dziś rozpoczną się prace związane z budową tymczasowej zapory.#wieszwięcej pic.twitter.com/DefLXhaNUN
— TOP TVP INFO (@TOPTVPINFO) November 2, 2022
Тым часам Памежная ахова Польшчы паведамляе, што лік мігрантаў, якія нелегальна спрабуюць патрапіць у Польшчу з Беларусі, ужо некалькі дзён запар ідзе на сотні. На працягу 1 лістапада польскія памежнікі зафіксавалі 124 такіх асобы. Таксама зноў былі затрыманыя праваднікі, якія дапамагаюць мігрантам. Імі выявіліся грамадзяне Украіны і Літвы.
Антон Тачняк belsat.eu