Беларусу з анкалогіяй, якога затрымалі пасля вяртання з Польшчы, адмовілі ў пераводзе з СІЗА пад хатні арышт, бо ён мае польскі від на жыхарства. Пра гэты выпадак паведамляюць праваабаронцы.
28-гадовы Анатоль Пугач быў затрыманы ў сярэдзіне снежня ў Баранавічах. Яго затрыманне адбылося амаль адразу пасля вяртання з Польшчы. Анатоль прыехаў у Беларусь, каб прайсці абследаванне, бо ў яго знайшлі анкалагічнае захворванне.
Мужчыне прад’явілі абвінавачванні па арт.368 КК за абразу Лукашэнкі і змясцілі ў СІЗА.
Вядома, што 23 студзеня, калі Анатоль ужо больш за месяц прабыў у СІЗА, адбылося судовае паседжанне. Бок абароны прасіў аб змене меры стрымання, але аргументам супраць стала тое, што ў Пугача ёсць польскі від на жыхарства. Праз гэта суддзя Ірына Паўлоўская адхіліла скаргу і адмовілася змяніць меру стрымання хаця б на хатні арышт.
Алена Рувіна belsat.eu
