Расейскія войскі 3 ліпеня атакавалі беспілотнікамі «Шахед» украінскі горад Сумы. У выніку атакі ёсць загінулы і пацярпелыя. Пра гэта паведамляе Сумская абласная ваенная адміністрацыя.
«Па стане на 10:49 у цэнтры горада Сумы Сумскай вобласці зафіксавана 4 БПЛА тыпу « Shahed 136». У выніку траплення пашкоджаны адміністрацыйны будынак і 2 жылыя дамы», – сказана ў паведамленні.
Па стане на 13:00 пацярпелі 16 чалавек, 1 чалавек загінуў. Пацярпелым была аказана дапамога.
Цяпер працягваецца эвакуацыя насельніцтва і ліквідацыя наступстваў пажару. Усяго на месцы здарэння працуе каля ста ратавальнікаў і 19 адзінак тэхнікі ДСНС Украіны.
Алена Рувіна belsat.eu
