Уначы расейскія войскі запусцілі ў бок Адэсы 17 іранскіх беспілотнікаў. Спікер аператыўнага камандавання «Поўдзень» Уладзіслаў Назараў паведаміў, што 14 з іх былі збітыя. Пацярпелых няма.
Дроны былі запушчаныя з усходняга ўзбярэжжа Азоўскага мора. 13 беспілотнікаў сілы СПА збілі ў Адэскай вобласці, 1 – у Мікалаеўскай.
У выніку атакі было пашкоджанае прадпрыемства каля Адэсы, там узнік пажар, які да раніцы зліквідавалі. У самім горадзе былі чутныя выбухі. Паводле папярэдніх звестак, пацярпелых няма.
Паветраную трывогу абвесцілі ў рэгіёне ўжо пасля таго, як інфармацыя пра выбухі з’явілася ў сацсетках.
Апошні раз Расея атакавала Украіну беспілотнікамі ўначы 31 сакавіка. Тады іх запусцілі з Бранскай вобласці. 9 з 10 дронаў былі знішчаныя. У выніку таго нападу ў Харкаўскай вобласці пацярпелі дзве асобы, быў пашкоджаны цывільны аб’ект.
Сяргей Крот belsat.eu
