У расследаванне нямецкіх журналістаў трапілі дзве буйныя кампаніі, адна з якіх звязаная з расейскім алігархам, але пазбегла санкцыяў, піша «Tagesschau».
Нямецкія кампаніі ўскосна дапамагаюць Расеі аднаўляць знішчаны дашчэнту Марыупаль Данецкай вобласці. Згодна з расследаваннем, да працэсу рэканструкцыі шматпакутнага гораду прыцягнулі даччыную кампанію «Knauf», што спецыялізуецца на вытворчасці будаўнічых матэрыялаў. Гэтая кампанія ўдзельнічае ў продажы будаўнічых матэрыялаў на замову Мінабароны Расеі для праекту ў Марыупалі.
Акрамя таго, у аднаўленні гораду ўдзельнічае фірма «WKB Systems» з рэгіёну Мюнстэрлянд у зямлі Паўночны Рэйн – Вэстфалія. Кампанія займаецца вытворчасцю абсталявання для вырабу ячэістага бетону, што выкарыстоўваецца ў працэсе аднаўлення Марыупалю.
«WKB Systems» мае бізнес-сувязі з расейскім бізнесоўцам Віктарам Бударыным, аднак ні адна з гэтых кампаніяў не трапіла пад санкцыі. Расейская прапаганда актыўна асвятляе працэс аднаўлення і будаўніцтва ў Марыупалі пасля масаваных бамбаванняў акупантамі.
