А 15 гадзіне на «Горадня Азоце» аварыйна спыніліся два аддзяленні цэху АКіКАС (азотнай кіслаты і карбідна-аміячнай сумесі). Афіцыйна гэтую інфармацыю пацвердзілі ў выданні «Гарадзенскі хімік».
Аддзяленні цэху азотнай кіслаты і карбідна-аміячнай сумесі вымушана спынілі працу, адбылося выдзяленне ў паветра шкодных газаў. Афіцыйна паведамляецца, што ў выніку надзвычайнай сітуацыі адбылося кароткачасовае павелічэнне ўтрымання NOx у адкідных газах.
Але пры гэтым дапушчальны выкід забруджвальных рэчываў не перавысіў дазволеныя нарматывы. Паводле выдання «Гарадзенскі хімік», пагрозы гораду, экалогіі і жыхарам няма. Прычыны спынення высвятляюцца.
7 ліпеня на прадпрыемстве было аналагічнае надзвычайнае здарэнне.
CК belsat.eu
