Праз дрэннае надвор’е ў Жэтысуўскай вобласці Казахстану давялося ратаваць з гурбаў калону з 48 грузавых аўтаў. Сярод іх было 40 машынаў з кіроўцамі з Беларусі, паведамляе Дэпартамент надзвычайных сітуацыяў Жэтысуўскай вобласці.
Паведамленне пра надзвычайнае здарэнне мясцовыя ратавальнікі атрымалі раніцай 4 студзеня. Каб дапамагчы кіроўцам, прыйшлося выкарыстоўваць тэхніку высокай праходнасці. Усіх удалося эвакуяваць на найбліжэйшую станцыю «Дастык».
Іншыя 8 машынаў з калоны мелі кіроўцаў з Казахстану.
Ратавальнікі заклікаюць сачыць за зменамі надвор’я. Не ігнараваць СМС са штармавымі папярэджаннямі і выконваць усе неабходныя захады засцярогі пры выездзе ў далёкую дарогу.
Арсен Рудэнка belsat.eu
