Моцны землятрус магнітудай 7,9 адбыўся 6 лютага ў цэнтральнай частцы Турцыі і на паўночным захадзе Сірыі, у выніку чаго дзясяткі людзей загінулі і сотні атрымалі раненні, піша «Reuters».
Землятрус, які адбыўся ўночы, таксама адчуваўся на Кіпры і ў Ліване.
Турэцкае агенцтва надзвычайных сітуацыяў заявіла, што 76 чалавек загінулі і 440 атрымалі раненні. Улады выклікалі ратавальныя каманды і самалёты забеспячэння ў ваколіцы гораду Кахраманмараш, абвясціўшы пры гэтым «трывогу 4-га ўзроўню», якая патрабуе міжнароднай дапамогі.
Prayers for Turkey. #Turkey #earthquake #earthquaketurkey pic.twitter.com/ek01mKWAbf
— Sahar Hayat (@SaharHayat6) February 6, 2023
Сірыйскія дзяржаўныя медыі паведамілі, што ў правінцыі Алепа абрынулася вялікая колькасць будынкаў, а крыніца ў грамадзянскай службе Хамы паведаміла, што там таксама абрынуліся будынкі. Паведамляецца пра 111 ахвяраў і каля 500 параненых у Сірыі.
🇹🇷#Terremoto en #Turquía.
No hay más espacio en los hospitales.
Las ambulancias esperan afuera. #Turkey #Turkiye #Hatay #deprem #DEPREMOLDU #Gaziantep #earthquake #Mersin #kahramanmaras pic.twitter.com/Am0NhBR53U— Nafú Togó (@NafuTogo) February 6, 2023
Паводле відавочцаў, людзі ў Дамаску і ў ліванскіх гарадах Бэйрут і Трыпалі выбеглі на вуліцу і селі ў свае аўтамабілі, каб адысці ад будынкаў на выпадак іх абвальвання.
«Усе сядзяць у сваіх аўтах або спрабуюць выехаць на адкрытую прастору далей ад будынкаў. Я думаю, што ніводнага чалавека ў Газі’антэпе цяпер няма ў сваіх дамах», – сказаў Эрдэм, жыхар турэцкага гораду Газі’антэп.
🇹🇷#Terremoto en #Turquía
Por la mañana, se reporta más de 100 edificios y casas colapsadas por el terremoto en #Turquía #Líbano #Siria #Turkey #Turkiye #Hatay #deprem #DEPREMOLDU #Gaziantep #earthquake #kahramanmaras pic.twitter.com/pKIKVJCxLD— Nafú Togó (@NafuTogo) February 6, 2023
Трасенне доўжылася каля хвіліны. Ёсць паведамленні пра абвал дамоў у турэцкіх гарадах Дыярбакыр, Шанлыўрфа і Асманіе.
Нямецкі даследчы цэнтр навук аб Зямлі (GFZ) заявіў, што землятрус адбыўся на глыбіні 10 км, а служба маніторынгу EMSC заявіла, што ацэньвае рызыку цунамі. Геалагічная служба ЗША (USGS) паведаміла пра серыю новых землятрусаў пасля першапачатковага штуршка, магнітуда якога ацэньваецца на 7,8. У Газі’антэпе адбыўся землятрус магнітудай 6,7, а непадалёк гораду Нурдагы – 5,6.
🇹🇷#Terremoto en #Turquía.
Continúan labores de rescate de sobrevivientes.#Diyarbakir #earthquake #Turkey #Turkiye #Hatay #deprem #DEPREMOLDU #Gaziantep pic.twitter.com/XnoxMf5Z4G— Nafú Togó (@NafuTogo) February 6, 2023
Управа ў справе ліквідацыі наступстваў стыхійных бедстваў і надзвычайных сітуацыяў Турцыі (AFAD) ацаніла магнітуду землятрусу як 7,4 непадалёк Кахраманмарашу і Газі’антэпу, што каля сірыйскай мяжы. Падземныя штуршкі таксама адчуваліся ў сталіцы Турцыі Анкары, за 460 км ад эпіцэнтру, і на Кіпры, дзе паліцыя не паведаміла аб пашкоджаннях.
7.8 magnitude earthquake hit Turkey. #earthquake #turkey #turkish #türkiye Prayers for Turkey pic.twitter.com/OHiHNDSxcT
— I. Hussain (@SKTSocialMedia) February 6, 2023
Якуб Хруст belsat.eu