Еўразвяз ужо ў сакавіку плануе накіраваць Украіне першы транш з зацверджанага надоечы пакету фінансавай дапамогі памерам 50 мільярдаў еўраў, заявіла старшыня Еўракамісіі Урзуля фон дэр Ляен.
«Еўропа верная свайму слову. Мы працягнем надаваць такое неабходнае фінансаванне і прадказальнасць нашаму смеламу партнёру і амбітнаму сябру. Плануем распачаць выплаты ў сакавіку», – напісала кіраўніца Еўракамісіі ў Х.
Last night’s political agreement on the €50 billion Ukraine Facility is a major step forward.
Europe is true to its word.
We will continue to deliver much-needed funding and predictability for our brave partner and aspiring member.
We aim to start payments in March.
— Ursula von der Leyen (@vonderleyen) February 6, 2024
Пра вылучэнне Украіне дапамогі памерам 50 мільярдаў еўраў усе 27 краінаў Еўразвязу дамовіліся 1 лютага 2024 года. Пакет разлічаны да 2027-га і складае 33 мільярды еўраў крэдытнай дапамогі і 17 мільярдаў – грантавай. Супраць пакету дапамогі Украіне выступаў прэм’ер-міністр Вугоршчыны Віктар Орбан.
Раней паведамлялася, што Кіеў разлічвае на першы транш памерам 4,5 мільярда еўраў.
Марыя Міхалевіч belsat.eu