Прэзідэнт Украіны Уладзімір Зяленскі паразмаўляў з заснавальнікам «SpaceX» Іланам Маскам. Пра дэталі размовы Зяленскі напісаў у сваім «Тўітары» ноччу з 5 на 6 сакавіка:
«Паразмаўляў з Іланам Маскам. Удзячны яму за падтрымку Украіны словамі і ўчынкамі. На наступным тыдні атрымаем чарговую партыю сістэмаў «Starlink» для разбураных гарадоў. Абмеркавалі магчымыя касмічныя праекты. Але пра гэта – ужо пасля сканчэння вайны».
Поговорив з @elonmusk. Вдячний йому за підтримку України словами та вчинками. Наступного тижня отримаємо чергову партію систем Starlink для зруйнованих міст. Обговорили можливі космічні проекти 🚀. Але про це – вже після завершення війни.
— Володимир Зеленський (@ZelenskyyUa) March 5, 2022
«Starlink» – глабальная спадарожнікавая сістэма, створаная кампаніяй «SpaceX» для забеспячэння высокахуткасным шырокапалосным спадарожнікавым доступам у інтэрнэт у месцах, дзё ён быў ненадзейным ці цалкам недасяжным.
Пасля нападу Расеі на Украіну кампанія Ілана Маска прыняла рашэнне надаць Украіне доступ да сістэмы «Starlink». Першая партыя тэрміналаў «Starlink» паступіла ва Украіну 1 сакавіка.
3 сакавіка Ілан Маск у размове з міністрам лічбавай трансфармацыі Украіны Міхаілам Фёдаравым у «Тўітары» распавёў, што каманда «SpaceX» абнавіла праграмнае забеспячэнне «Starlink» для зніжэння спажывання энергіі, каб сістэму можна было выкарыстоўваць ад аўтамабільнага прыкурвальніка. Таксама ўключылі мабільны роўмінг, каб сігнал падтрымліваўся падчас руху аўтамабіля.
Thanks 🙏 https://t.co/eWTKXCBXlG
— Mykhailo Fedorov (@FedorovMykhailo) March 3, 2022
ГГ, belsat.eu