Нацыянальны банк Рэспублікі Беларусь паведаміў аб змене золатавалютных рэзерваў краіны. Прэс-служба Нацбанку паведаміла, што станам на 1 траўня золатавалютныя рэзервы Беларусі павялічыліся і склалі 7761,1 млн долараў ЗША ў эквіваленце.
За красавік ЗВР выраслі на 189,4 млн долараў (2,5 %). Адметна, што ў сакавіку яны паменшалі на 692,9 млн долараў (8,4 %). Такім чынам, да даваеннага ўзроўню ЗВР яшчэ не вярнуліся.
За красавік урад выплаціў за пазыкі каля 70 млн долараў. Таксама Нацбанк заяўляе, што росту ЗВР перашкодзіла «пераацэнка манетарнага золата і спецыяльных правоў пазычання Міжнароднага валютнага фонду».
ЗХ belsat.eu
