З Беларусі зноў на тры месяцы забаранілі вывозіць грэчку і пшанічную муку. Адпаведную пастанову падпісаў прэм’ер-міністр краіны Раман Галоўчанка, паведамляе прэсавая служба ўраду.
Урад пастанавіў забараніць вываз з Беларусі мукі з пшаніцы мяккай і спельты, крупаў грубага памолу з грэчкі, грачанага збожжа, гатовых прадуктаў з грэчкі. Забарону ўвялі на тры месяцы дзеля абароны ўнутранага рынку.
Забарона датычыць вывазу як у межах ЕАЭС, гэтак і ў іншыя краіны: за выключэннем аказання гуманітарнай дапамогі, вывозіць з Беларусі нельга не толькі айчынную, але і імпартную прадукцыю.
Забарона на вываз грэчкі дзейнічае яшчэ з мінулага года і працягваецца кожныя тры месяцы.
Алена Аляксандрава belsat.eu
