Абраная прэзідэнтка Беларусі апублікавала пост у Х, у якім асуджае атаку ХАМАС і выказвае падтрымку народу Ізраілю.
«Мы рашуча асуджаем атакі ХАМАС на Ізраіль, якія прывялі да шырокамаштабных разбурэнняў і трагічнай гібелі невінаватых людзей. Трываласць і моц ізраільскага народу прабіваюцца скрозь нягоды. Мы выказваем шчырыя спачуванні сем’ям загінулых», – напісала Святлана Ціханоўская.
We strongly condemn the attacks by Hamas on #Israel, which have led to widespread devastation & the tragic loss of innocent lives. The resilience & strength of the Israeli people shines through adversity. Our heartfelt sympathies go out to the families of the victims.
— Sviatlana Tsikhanouskaya (@Tsihanouskaya) October 7, 2023
Раніцай 7 кастрычніка ісламісцкі рух сектару Газа ХАМАС здзейсніў маштабны напад на Ізраіль. Былі выпушчаныя тысячы ракет, баевікі прарвалі наземную мяжу. Па стане на 18-ю гадзіну па ізраільскім часе вядома пра як мінімум 100 загінулых і больш чым 900 параненых.
Падтрымку Ізраілю выказалі таксама Францыя, Вялікая Брытанія. Кіраўнік знешнепалітычнага ведамства ЕЗ Жузэп Барэль, Саудаўская Аравія, Турцыя і МЗС Беларусі заклікалі да спынення канфлікту.
Катар, Сірыя і Іран падтрымалі ХАМАС. СМІ паведамляюць, што Ліванская «Хезбала» гатовая ўступіць у вайну, калі Ізраіль пачне наземную аперацыю ў Сектары Газа.
Міністр абароны ЗША заявіў, што Пентагон забяспечыць Ізраіль усім неабходным для самаабароны.
Марыя Міхалевіч belsat.eu