На дапамогу турэцкім ратавальнікам з Беларусі вылецеў атрад спецыяльнага прызначэння «ЗУБР» МНС, паведамляе Мінабароны.
З аэрадрому Мачулішчы ў Турцыю вылецеў ваенна-транспартны самалёт Іл-76МД з беларускімі ратавальнікамі на борце. Разбіраць завалы ў Турцыі будуць дапамагаць прадстаўнікі атраду спецыяльнага прызначэння «ЗУБР» МНС Беларусі.
Колькасць загінулых у Турцыі вырасла да 5894 асобаў, больш за 34 тысячы атрымалі раненні. Паводле афіцыйнай інфармацыі, на паўночным захадзе Сірыі колькасць ахвяраў землятрусу склала не менш за 1932 асобаў.
Алена Аляксандрава belsat.eu