Абараняючы Украіну ад расейскай агрэсіі, загінуў яшчэ адзін беларускі добраахвотнік, паведамляе «Наша Ніва». Калі і дзе гэта здарылася, не паведамляецца, імя ваяра таксама пакуль не вядомае.
Паведамляецца, што загінулы быў байцом аднаго з беларускіх злучэнняў, што змагаюцца на баку ЗСУ. Імя і месца смерці байца пакуль не раскрываюцца.
Усяго за час абароны Украіны ад расейскай агрэсіі загінуў ужо як мінімум 21 беларус. Нядаўна паведамлялася пра смерць Эдуарда Лобава і Яўгена Логінава.
Беларуская група – адна з найбольшых сярод усіх іншых замежнікаў-дабраахвотнікаў, якія ваююць супраць Расеі на ўкраінскім баку.
Алена Рувіна belsat.eu
