Прэс-сакратар польскага Міністэрства замежных справаў Лукаш Ясіна заявіў, што Польшча не запрашала пралукашэнкаўскага палітолага Юрыя Васкрасенскага на Эканамічны форум у Карпач і не выдавала яму візы.
У інтэрв’ю карэспандэнту «Белсату» Юрый Васкрасенскі заявіў, што арганізатары Эканамічнага форуму запрасілі яго, і Польшча выдала яму візу.
Прэс-сакратар МЗС Польшчы Лукаш Ясіна напісаў у Твітары, што Польшча ёсць чальцом Еўразвязу і прымае візы, выдадзеныя іншымі дзяржавамі-сябрамі ЕЗ, і Васкрасенскаму не выдавала ні запрашэння, ні візы.
Polska jest członkiem UE i honoruje wizy wystawione przez inne państwa członkowskie wobec osób nie objętych sankcjami. Polska nie wystosowała zaproszenia ani nie wystawiła wizy. @MSZ_RP nie jest organizatorem @Economic_Forum_ w Karpaczu. https://t.co/TKGj0dU8xE
— Łukasz Jasina (@RzecznikMSZ) September 8, 2021
Ясіна апублікаваў гэты пост у адказ на допіс у Twitter былога віцэ-міністра замежных справаў Польшчы, дэпутата Сейму Паўла Залеўскага. Ён напісаў наступнае:
«Лукашэнка прыніжае наш урад, высылаючы ў Карпач чалавека, які ламае апазіцыю, каб размаўляць аб паляпшэнні стасункаў паміж Варшаваю і Менскам. Запрашаючы яго ў Карпач, польскі ўрад пагадзіўся на такое прыніжэнне. Ніколі польская палітыка не апускалася так нізка».
Łukaszenka upokarza nasz rząd wysyłając do Karpacza człowieka, zajmującego się łamaniem opozycjonistów,w celu rozmów o poprawie stosunków między Warszawą a Mińskiem. Zapraszając go do Karpacza, polski rząd na takie upokorzenie się godzi. Nigdy polska polityka nie upadła tak nisko https://t.co/QF0uPwKkum
— Paweł Zalewski (@ZalewskiPawel) September 8, 2021
У эфіры Radio ZET наконт удзелу Васкрасенскага ў Форуме выказаўся кіраўнік канцылярыі прэм’ер-міністра Польшчы Міхал Дворчык. Ён падкрэсліў, што з гэтай сітуацыі зробяць высновы.
ГГ, belsat.eu