Прэзідэнт Літвы Гітанас Наўседа заявіў, што ягоная краіна будзе дамагацца размяшчэння ў сябе вайсковага кантынгенту ЗША на пастаяннай аснове.
Гэта, паводле Наўседы, павінна стаць фактарам стрымлівання для Расеі і ўзмацніць бяспеку не толькі Літвы, але і ўсяго рэгіёну, паведамляе Reuters.
«Вядома, мы будзем размаўляць з ЗША, каб пераканацца, што ратацыйныя войскі ЗША будуць пастаянна заставацца ў Літве», – сказаў Наўседа на прэс-канферэнцыі на вайсковай базе «Рукля».
Міжнародная баявая група NATO ў Літве разгорнутая з 2017 года. У 2019 годзе там змясцілі каля 500 вайскоўцаў ЗША, а неўзабаве ў адказ на расейскія пагрозы Украіне маюць дадаткова прыбыць 350 нямецкіх вайскоўцаў.
МГ belsat.eu
