У Чорным моры расейскі флот працягвае блакаваць узбярэжжа Адэскай вобласці. Застаецца высокая верагоднасць ракетных атак па Адэсе, паведаміў прэс-сакратар аператыўнага штабу Адэскай абласной вайсковай адміністрацыі Сяргей Братчук.
«У акваторыі Чорнага мора Чарнаморскі флот РФ блакуе нашае ўзбярэжжа, а таксама перыядычна перагрупоўвае свае сілы і сродкі», – сказаў Сяргей Братчук.
Паведаміў, што верагоднасць ракетных удараў суперніка па Адэсе і вобласці застаецца высокая.
Са словаў Братчука, сітуацыя ў горадзе і вобласці пад кантролем, а ў вайскоўцаў ЗСУ дастаткова сілаў і сродкаў для агнявога знішчэння праціўніка.
У Адэсе і Адэскай вобласці абвешчаная каменданцкая гадзіна – з 21:00 суботы (9 красавіка) да 6:00 панядзелка (11 красавіка). Адміністрацыя папярэджвае, што можа змяняцца графік руху пасажырскіх цягнікоў. Доступ да вакзалаў абмежаваны.
ЗК belsat.eu
