У Велікодным пасланні свету Папа Рымскі Францішак заклікаў расейцаў шукаць праўду пра ўварванне Расеі ва Украіну, піша «Reuters».
На плошчы Святога Пятра ў Рыме Папа Рымскі Францішак узначаліў традыцыйную ўрачыстую велікодную імшу. Пасля богаслужэння з гаўбца базілікі Святога Пятра Францішак выступіў з прамоваю да вернікаў:
«Дапамажыце любімаму ўкраінскаму народу на шляху да міру і праліце святло Вялікадня на народ Расеі».
Пантыфік таксама заклікаў расейцаў шукаць праўду пра ўварванне іхнай дзяржавы ва Украіну, прасіў таксама «суцешыць параненых і ўсіх тых, хто страціў блізкіх праз вайну»:
«Адкрыйце сэрцы ўсёй міжнароднай супольнасці, каб імкнуцца спыніць гэтую вайну ды ўсе канфлікты і кровапраліцце ў нашым свеце».
Таксама як і кожны Вялікдзень, Папа Францішак заклікаў да міру на Блізкім Усходзе.
Алена Аляксандрава belsat.eu
