Асуджаных раней паводле «палітычных» артыкулаў віцяблянаў кожны месяць будуць наведваць міліцыянты, піша «Віцебская Вясна».
Жыхарка Віцебску Тамара Ільіна даведалася ад міліцыянта, які прыходзіў да яе, што сілавікі цяпер у Віцебску штомесяц будуць прыходзіць да асобаў, якіх раней асудзілі за палітыку.
«Супрацоўнік міліцыі сказаў, што тэрмін даўніны правапарушэння прайшоў, але я ў іх на ўліку. На пытанне, на якой падставе, адказаў, што «паводле закону». Паводле якога, так і не агучыў», – напісала ў сваім Facebook спадарыня Тамара.
Іншыя жыхары Віцебску паведамляюць, што міліцыянты ўручылі ім позвы на прафілактычную гутарку ў пракуратуру. У некаторых запытваліся, чым займаюцца, дзе працуюць, за якія сродкі жывуць, хто жыве ў кватэры разам з імі.
Вядома, што міліцыянты наведваюць асобаў з адмысловых спісаў.
Алена Аляксандрава belsat.eu
