Міжнародная акцыя «Дзень салідарнасці» прайшла ў дзясятках гарадоў па ўсім свеце
2023.08.09 22:53
З нагоды трэцяй гадавіны прэзідэнцкіх выбараў 2020 года беларускія дыяспары арганізавалі міжнародную акцыю «Дзень салідарнасці». Акцыя праходзіць цэлы тыдзень з 6 да 13 жніўня, у дзясятках гарадоў па ўсім свеце. Аднак самыя буйныя маршы адбыліся 9 жніўня.
Вільня, Літва
У Вільні беларусы сабраліся на Марш годнасці з нагоды трэцяй гадавіны выбараў 2020-га ў Беларусі. Марш прайшоў ад Катэдральнай плошчы да амбасады Беларусі. Абраная прэзідэнтка Беларусі Святлана Ціханоўская выступіла з прамовай на Катэдральнай плошчы.
Клайпеда, Літва
Варшава, Польшча
У Варшаве на акцыі ў гадавіну фальсіфікацыі выбараў сабралася, паводле звестак паліцыі, больш за 1000 чалавек. Спачатку натоўп прайшоў з варшаўскага раёну Прага ў Стары горад, дзе калону сустрэлі яшчэ некалькі сотняў беларусаў, сярод якіх дзясяткі анархістаў. Пасля беларусы Варшавы ў суправаджэнні бубначоў дайшлі да помніку Мікалаю Каперніку, дзе адбыліся мітынг і выступы музыкаў.
Беласток, Польшча
«Тры гады прайшло. Нічога не забылася! Мы сведкі вялікіх пераменаў у гісторыі нашай Радзімы. Нам, безумоўна, баліць, але мы таксама адчуваем вялікі гонар за свой народ, які паўстаў супраць несправядлівасці! Надзея не ўмірае, барацьба не скончаная!» – пішуць беларусы Беластоку.
Вроцлаў і Шчэцін, Польшча
Быдгашч, Польшча
Тэль-Авіў, Ізраіль
Лондан, Вялікая Брытанія
Беларусы Вялікай Брытаніі правялі акцыю салідарнасці з палiтвязнямі ў гадавіну самых крывавых выбараў у найноўшай гісторыі Беларусі.