Пайшоў з жыцця бубнач кабарэ-бэнду «Серебряная свадьба» Арцём Залескі. Пра гэта паведамілі сябры музыкі.
Арцём Залескі граў у кабарэ-бэндзе «Серебряная свадьба» (сцэнічны вобраз – Francois De Bosh), а таксама ў дуэце «Гурзуф» з баяністам Ягорам Забелавым і гурце «Любовь и спорт».
Зусім нядаўна, 14 студзеня, у Залескага быў дзень нараджэння.
«Цёма больш не на гэтай планеце целам. А душа яго светлая дзесьці побач», – напісала ў Фэйсбуку салістка «Серебряной Свадьбы» Святлана Бень.
Развітанне з Арцёмам Залескім адбудзецца ў пятніцу ў крэматорыі на Паўночных могілках у Менску (13.00).
«Белсат» выказвае шчырыя спачуванні сваякам і сябрам Арцёма.
ЗК belsat.eu
