Менскі гарадскі суд пастанавіў зліквідаваць грамадскае абʼяднанне «Радзіслава». Праваабаронцы паведамляюць, што судовае паседжанне ў гэтай справе адбылося 9 сакавіка.
Некамерцыйная недзяржаўная дабрачынная арганізацыя «Радзіслава» дапамагала жанчынам, якія пацярпелі ад гвалту. Абʼяднанне стварыла і гарачую тэлефонную лінію, дзе бясплатна падтрымлівалі псіхалагічна. Але з 9 сакавіка гарачая лінія перастала працаваць. Пазней стала вядома, што Менскі гарадскі суд пастанавіў зліквідаваць грамадскае абʼяднанне.
У лістападзе летась сілавікі затрымалі былую кіраўніцу «Радзіславы» Вольгу Гарбунову. Міліцыянты лічаць, што яна кіравала жаночымі маршамі.
ВЦ belsat.eu
