Крымінальную справу супраць 22-гадовага Максіма Драбніцы разглядаюць у Гомлі. Маладзёна абвінавачваюць у «арганізацыі дзейнасці тэрарыстычнай арганізацыі і ўдзеле ў дзейнасці такой арганізацыі» і яму пагражае да 15 гадоў зняволення, паведамляе гомельскае выданне Флагшток.
Судовы працэс закрыты. Афіцыйнай інфармацыі пра справу не было.
Агулам у Гомельскім абласным судзе з 6 па 20 чэрвеня разглядаюцца 11 палітычна матываваных крымінальных справаў. Сярод артыкулаў, па якіх праходзяць фігуранты справаў – «абраза прэзідэнта», «здрада дзяржаве», «агентурная дзейнасць», «арганізацыя тэрарыстычнай дзейнасці», «фінансаванне экстрэмісцкай дзейнасці». Большасць з гэтых судоў закрытыя.
У Менску з 25 траўня ідзе суд над 21-гадовым Дзмітрыем Гудзеевым. У траўні 2022 года хлопец скончыў тэрміновую службу ў вайсковай частцы 3214 у Менску. Падчас затрымання Дзмітрый быў моцна збіты.
Марыя Міхалевіч belsat.eu
