За 7 месяцаў 2023 года, са студзеня па канец ліпеня, Літва выдала замежнікам 86372 дазволаў на часовае пражыванне, паведамляе Дэпартамент міграцыі Літвы. З іх беларусаў – 22,6% ці 19477.
Беларусы занялі другое месца па колькасці атрыманых у 2023 годзе дазволаў на часовае пражыванне ў Літве. На першым месцы – украінцы, якім Літва выдала 51126 дазволаў. Беларусы атрымалі 19477 часовых дазволаў на жыхарства, расейцы – 2384.
Сёлета Літва выдала на 25% дазволаў на пражыванне замежнікам, чым у 2022 годзе. Адначасова 4 жніўня Дэпартамент міграцыі заявіў, што прызнаў 910 беларусаў асобамі, якія прадстаўляюць пагрозу для нацыянальнай бяспекі краіны.
На пачатак ліпеня 2023 года ў Літве пражывалі 58347 грамадзянаў Беларусі, што на 9543 больш, чым на пачатку студзеня бягучага года.
Марыя Міхалевіч belsat.eu
