Лаўрэатамі Нобэлеўскай прэміі ў галіне эканомікі 2022 года сталіся амерыканцы Бэн Бэрнанке, Даглас Даяманд і Філіп Дыбвіг, абвясцілі ў Нобэлеўскім камітэце. Іх узнагародзілі за даследаванні банкаўскай сістэмы і фінансавых крызісаў.
BREAKING NEWS:
The Royal Swedish Academy of Sciences has decided to award the 2022 Sveriges Riksbank Prize in Economic Sciences in Memory of Alfred Nobel to Ben S. Bernanke, Douglas W. Diamond and Philip H. Dybvig “for research on banks and financial crises.”#NobelPrize pic.twitter.com/cW0sLFh2sj— The Nobel Prize (@NobelPrize) October 10, 2022
У прэс-рэлізе Нобэлеўскага камітэту адзначаецца, што адкрыцці гэтых навукоўцаў дапамаглі грамадству лепш спраўляцца з фінансавымі крызісамі і зрабілі ўнёсак у разуменне ролі банкаў у эканоміцы, асабліва падчас фінансавых крызісаў. Важная выснова іхных даследаванняў заключаецца ў тым, чаму жыццёва важна ўнікаць краху банкаў.
У пачатку 1980-х гадоў гэтыя навукоўцы заклалі аснову для сучасных даследаванняў пра значэнне банкаў для стабільнасці фінансавай сістэмы і таго, як знізіць іх уразлівасць падчас фінансавага крызісу, каб ён не пагоршыўся.
На мінулым тыдні Нобэлеўскую прэмію міру атрымаў кіраўнік беларускай праваабарончай арганізацыі «Вясна» Алесь Бяляцкі. Ён больш за год застаецца за кратамі. Акрамя яго, прэміяй уганаравалі расейскую праваабарончую арганізацыю «Мемарыял» і Цэнтр грамадзянскіх свабодаў з Украіны.
Алена Рувіна belsat.eu