Міністэрства абароны Вялікай Брытаніі ў сваёй справаздачы, апублікаванай 11 сакавіка, паведамляе, што найміты ПВК Вагнэра ўзялі пад кантроль большую частку ўсходніх кварталаў Бахмуту.
Паводле брытанскай выведкі, лінія фронту праходзіць па рацэ Бахмутцы ў цэнтры гораду. Збройныя сілы Украіны працягваюць утрымліваць заходнюю частку Бахмуту. Байцы ЗСУ знішчылі ключавыя масты праз Бахмутку.
У зводцы гаворыцца, што ЗСУ могуць весці агонь з умацаваных будынкаў на захадзе мясцовасці, і гэта стварае сур’ёзныя праблемы для наймітаў-вагнэраўцаў, якія робяць спробы лабавых наступаў. Гэты раён ператварыўся для іх у «зону смерці».
У справаздачы адзначаюць, што ўкраінскія сілы пры гэтым зазнаюць рызыку нападаў расейцаў з поўначы і поўдня.
The illegal and unprovoked invasion of Ukraine is continuing.
The map below is the latest Defence Intelligence update on the situation in Ukraine – 11 March 2023.
Find out more about Defence Intelligence’s use of language: https://t.co/HN8GgP0WNm
🇺🇦 #StandWithUkraine 🇺🇦 pic.twitter.com/GKjKAFzu6S
— Ministry of Defence 🇬🇧 (@DefenceHQ) March 11, 2023
Паводле Генштабу ЗСУ, 10 сакавіка расейцы не спынялі штурмавых дзеянняў на бахмуцкім напрамку. Украінцамі былі адбітыя шматлікія атакі каля Іванаўскага і Бахмуту.
Зміцер Міраш belsat.eu