У сталіцы Беларусі сілавікі затрымалі грамадзяніна Расеі. Падставай стала бела-сіня-белая налепка на яго машыне, піша праваабарончы цэнтр «Вясна».
Беларускія праўладныя рэсурсы распаўсюдзілі відэа з затрыманым грамадзянінам Расеі. Вядома, што мужчыну схапілі ў Менску. Ён жыве і працуе ў Пскове. Расеец таксама кажа, што набыў машыну і наляпіў на яе налепку з надпісам «RUS».
Што стала прычынаю для затрымання – не вядома.
Бела-сіне-белы сцяг у Расеі з’яўляецца сімвалам антываеннага пратэсту. Гэты сцяг выкарыстоўваюць байцы падраздзялення ЗСУ «Легіён «Свабода Расеі»».
У Беларусі гэты сцяг не забаронены і не прызнаны «экстрэмісцкім».
Алена Аляксандрава belsat.eu
