У ноч на 11 чэрвеня на папяровай фабрыцы ў Добрушы здарыўся пажар, паведамляе прэс-служба МНС.
Аб узгаранні ў жалезабетонным будынку 1986 года пабудовы стала вядома ратавальнікам у 03:10 ночы. Загарэўся папяровы цэх прадпрыемства на тэрыторыі філіяла «Добрушская папяровая фабрыка «Герой працы». У выніку пажар пашкодзіў 15 кв метраў транспарцёрнай стужкі машыны №7 (сушыльнай камеры).
Паведамляецца, што тэхналагічны працэс цэху быў спынены, работа прадпрыемства ў цэлым не парушана, пацярпелых няма.
Прычына пажару зараз высвятляецца.
Алена Рувіна belsat.eu
