У Камянецкім раёне разбурылася частка аўтамабільнага маста. Пра гэта паведамляе ДАІ УУС Берасцейскага аблвыканкаму.
Разбурэнне адбылося на 19-м кіламетры аўтадарогі Н-344 Камянец – Трасцяніца – Лышчыцы – Воўчын, недалёка ад вёскі Рудавец. Гэтая аўтадарога вядзе ад комплексу Астрамечава да вёскі Трасцяніца.
Рух па дарозе цяпер немагчымы. У ДАІ просяць аўтамабілістаў улічваць гэтую інфармацыю пры планаванні маршруту.
У абласной ДАІ паведамляюць, што аб’езд пашкоджанага ўчастку магчымы па аўтамабільнай дарозе Р-85 Слонім – Высокае – мяжа Рэспублікі Польшча.
Алена Рувіна belsat.eu
