Дзяржаўная літоўская чыгуначная кампанія шукае спосабы вярнуць аванс, выплачаны «Беларуськаліем» за транспартаванне калійных угнаенняў у студзені-лютым наступнага года. Пра гэта піша Delfi.
«Наша мэта – вярнуць грошы за студзень і люты, мы будзем шукаць шляхі і яшчэ раз пастараемся іх вярнуць», – сказаў BNS прадстаўнік літоўскіх чыгунак па сувязях з грамадскасцю Мантас Дубаўскас.
Паводле ягоных словаў, кампанія ўжо спрабавала пагасіць гэты дадатковы аванс праз Swedbank 7 снежня, пасля сустрэчы з прэмʼер-міністрам, за дзень да ўступлення ў сілу санкцый ЗША ў адносінах да «Беларуськалія», але 8 снежня грошы былі вернуты на рахунак чыгункі, паколькі расейскі карэспандэнт-банк ВТБ, які абслугоўвае «Беларуськалій», адхіліў перавод сродкаў.
Дубаўскас не назваў суму вяртання. Па ацэнках BNS, яна можа скласці каля 10 млн еўра за два месяцы паслугаў перавозак.
Нагадаем, у Літве адразу два міністры заявілі аб гатоўнасці пайсці ў адстаўку з-за «рэпутацыйнай шкоды Літве». Прычынай стала сітуацыя з амерыканскімі санкцыямі ў адносінах да прадпрыемства «Беларуськалій». Яны пачалі дзеяць 8 снежня, аднак Літоўская чыгунка працягвае транспартаваць беларускія ўгнаенні – бо перавозка ўжо аплачана.
Міністр транспарту Марус Скуодзіс прапанаваў увесці нацыянальныя санкцыі супраць транзіту калійных угнаенняў з Беларусі. Прэмʼер-міністр Літвы Ігрыда Сіманітэ падкрэсліла, што не бачыць магчымасці працягу гэтага транзіту.
РР belsat.eu