У Беларусь прыбыла камісія Міністэрства абароны Расеі на чале з галоўнакамандуючым сухапутнымі войскамі РФ Алегам Салюковым. Пра гэта паведамляе прэс-служба Мінабароны Беларусі.
Камісія праінспектавала воінскія часці і падраздзяленні расейскай рэгіянальнай групоўкі войскаў, якія знаходзяцца на палігонах беларускіх узброеных сілаў.
«У ходзе работы праверана якасць заняткаў па баявому зладжванню і дадзена ацэнка іх гатоўнасці выканаць задачы па прызначэнні ў інтарэсах забеспячэння ваеннай бяспекі Саюзнай дзяржавы», – паведамляе прэс-служба Мінабароны.
У ведамстве таксама паведамілі, што ў склад рэгіянальнай групоўкі войскаў працягваюць прыбываць расейскія вайскоўцы.
Алена Рувіна belsat.eu