Набліжаны да сілавікоў тэлеграм-канал 12 ліпеня апублікаваў відэа з разгромленай кватэрай Дзяніса Дудзінскага і Кацярыны Раецкай.
Аўтары каналу апублікавалі здзеклівае відэа пад назвай «Квартирный вопрос». На відэа бачна, што сілавікі зламалі мэблю, раскідалі рэчы і засунулі бел-чырвона-белы сцяг і сцяг Украіны ва ўнітаз.
У подпісе да відэа гаворыцца, што Дудзінскі «не раз заяўляў аб падтрымцы тэрарызму і выказваў гатоўнасць аказаць садзейнічанне дыверсійным групам». Таксама ў пасце пазначана, што на журналіста завялі крымінальную справу, а ў дзвюх кватэрах былі праведзеныя «ператрусы ў мэтах выяўлення схованак і іншых прыкмет садзейнічання тэрарызму».
Сямейная пара з’ехала з Беларусі больш за два гады таму пасля таго, як да іх з ператрусам прыйшлі сілавікі.
Алена Рувіна belsat.eu