Як паведамляюць чытачы «Белсату», у Салігорску памёр мужчына, якога даставілі з мясцовага ізалятару часовага ўтрымання.
Адзначаецца, што мужчыну 1981 года нараджэння з цяжкай чэрапна-мазгавой траўмай без прытомнасці ў коме даставілі ў лякарню 7 студзеня.
«Нягледзячы на ўсе намаганні медработнікаў, жыццё чалавека выратаваць не ўдалося», – гаворыцца ў паведамленні.
11 студзеня ён памёр.
Ніякіх іншых пацверджанняў або зняпраўджванняў гэтай інфармацыі пакуль няма.
Нагадаем, што ў Рэчыцы ў навагоднюю ноч загінуў Дзмітрый Усхопаў, якога затрымалі міліцыянты.
МГ belsat.eu
