13 студзеня сілавікі правялі ператрусы ў прадстаўніц праўлення «Радзіслава» – прытулку для жанчын, якія пацярпелі ад хатняга гвалту. Пра гэта паведамляе «Вясна».
Паводле праваабаронцаў, у прадстаўніц праўлення або іх сваякоў прайшлі 4 ператрусы.
Затрыманыя дзве актывісткі. Дар’і Царык – дырэктарцы «Геному», што дапамагае людзям з рэдкімі генетычнымі захворваннямі, і чальцу праўлення арганізацыі «Радзіслава» – пасля ператрусу далі восем содняў арышту.
Таксама актывістцы і менеджарцы «Радзіславы» Вользе Гарбуновай, якую затрымалі 9 лістапада ў межах крымінальнай справы, працягнулі арышт.
МГ belsat.eu
