Мінабароны Польшчы заявіла пра фіксацыю ў паветранай прасторы невядомага аб’екта, што прыляцеў з Беларусі. Імаверна, гэта быў назіральны паветраны шар. З паведамлення ведамства вынікае, што аэрастат праляцеў палову Польшчы.
Centrum Operacji Powietrznych odnotowało pojawienie się w polskiej przestrzeni powietrznej obiektu, który wleciał z kierunku Białorusi. Zgodnie z informacjami COP prawdopodobnie jest to balon obserwacyjny. Kontakt radarowy został utracony w okolicach Rypina.
— Ministerstwo Obrony Narodowej 🇵🇱 (@MON_GOV_PL) May 13, 2023
Міністэрства абароны Польшчы паведаміла пра інцыдэнт у сваім Twitter:
«Цэнтр паветраных аперацыяў адзначыў зʼяўленне ў паветранай прасторы Польшчы абʼекта, што заляцеў з кірунку Беларусі. Імаверна, гэта назіральны аэрастат».
Аб’ект знік з радараў, калі быў побач з Рыпінам – гэта горад у паўночна-цэнтральнай частцы краіны. Адтуль да бліжэйшай кропкі на мяжы з Беларуссю – каля 260 кіламетраў.
Аэрастат, імаверна, упаў, цяпер яго шукаюць на зямлі.
Агенцтва PAP удакладняе, што інцыдэнт адбыўся ўначы. Пакуль у пошукавай аперацыі бярэ ўдзел невялікая група вайскоўцаў, аднак «пры неабходнасці будуць кінуты больш буйныя сілы».
Сяргей Крот belsat.eu
