Каля аднаго з прыгранічных населеных пунктаў у Чарнігаўскай вобласці Украіны затрымалі дваіх узброеных мужчынаў, датычных да незаконнай перапраўкі ваеннаабавязаных у Беларусь. Пра гэта паведамляе Памежная служба Украіны.
У іх знайшлі аўтамат Калашнікава, пісталет Макарава і патроны, а таксама каля 2700 долараў у грыўнях, перададзеных ім за садзейнічанне ў незаконным перасячэнні мяжы.
Мужчынаў падазраюць у арганізацыі незаконнай перапраўкі асобаў праз дзяржаўную мяжу Украіны паводле ч.3 арт. 332 Крымінальнага кодэксу.
Якуб Хруст belsat.eu
