Міністр унутраных справаў Украіны Дзяніс Манастырскі распавёў, што частка ўкраінскіх вайскоўцаў, якія трапілі ў палон у Чарнобылі, застаецца на тэрыторыі Беларусі.
Паводле Манастырскага, у Чарнобылі трапілі ў палон 169 байцоў Нацыянальнай гвардыі Украіны:
«Сёння частка з іх, паводле нашай інфармацыі, застаецца на тэрыторыі Рэспублікі Беларусь, частка – у Расеі».
Паводле міністра, спачатку палонных утрымлівалі ў сутарэнні без святла:
«У іх забралі ўсе сродкі сувязі, калі яны былі там. І потым іх вывезлі. Якая іхная доля, на жаль, сказаць не магу. Вядуцца перамовы пра абмен. Але мы разумеем, што гэта будзе, магчыма, толькі пасля заканчэння актыўнай фазы баявых дзеянняў».
Раней у медыях зʼяўлялася інфармацыя, што ўкраінскіх палонных могуць у тым ліку ўтрымліваць у беларускіх турмах.
РР belsat.eu