Прэзідэнт Украіны Уладзімір Зяленскі 14 траўня ўзяў удзел у цырымоніі ўручэння Прэміі Карла Вялікага ў Нямеччыне. Падчас імпрэзы Зяленскі і Святлана Ціханоўская паціснулі адно аднаму рукі. Беларуская дэмакратычная лідарка прысутнічала там як лаўрэатка прэміі мінулага года.
«Для мяне быў гонар сустрэцца з прэзідэнтам Зяленскім сёння ў Аахэне і павіншаваць яго з прэміяй. Мы разам з Украінай за свабоду і дэмакратыю», – напісала Святлана Ціханоўская.
I was honored to meet President @ZelenskyyUa today in #Aachen & to congratulate him on this year’s @KarlspreisAC. We stand united with Ukraine 🇺🇦 for freedom & for democracy. #karlspreis2023 pic.twitter.com/h2XX9SOAQQ
— Sviatlana Tsikhanouskaya (@Tsihanouskaya) May 14, 2023
Міжнародная прэмія імя Карла Вялікага ёсць адною з найбольш значных еўрапейскіх узнагародаў. Яе ўручаюць з 1950 года асобам і арганізацыям за вядучую ролю ў аб’яднанні Еўропы.
Нагадваем, што летась Святлана Ціханоўская, Вераніка Цапкала і Марыя Калеснікава сталіся лаўрэаткамі прэміі Карла Вялікага. Ціханоўская адзначыла ў прамове, што прэмія належыць не толькі ім траім, а ўсім беларусам.
У гэтым годзе лаўрэатам прэміі стаўся Уладзімір Зяленскі. Раней Святлана Ціханоўская павіншавала прэзідэнта Украіны з узнагародаю.
Алена Рувіна belsat.eu