Белгарад трапіў пад абстрэл днём 15 лютага. Пра гэта паведаміў губернатар Белгародскай вобласці Вячаслаў Гладкоў. Паводле Міністэрства аховы здароўя Расеі, шэсць асобаў загінулі, у тым ліку адно дзіця. Яшчэ 18 асобаў параненыя, у тым ліку пяцёра дзяцей.
Паводле звестак Міністэрства аховы здароўя Расеі, у выніку атакі загінулі шэсць асобаў. Гладкоў піша, што сярод іх аднагадовая дзяўчынка.
Як сцвярджае Гладкоў, пацярпелі сем прыватных дамоў, пяць шматкватэрных і крама. Ім нанесеныя «розныя разбурэнні». Таксама пашкоджаная тэрыторыя аднаго з прамысловых прадпрыемстваў.
Мінабароны Расеі заявіла, што каля 12:30 Украіна спрабавала здзейсніць атаку на аб’екты на тэрыторыі Расеі з дапамогаю рэактыўнай сістэмы залпавага агню RM-70 «Вампір». Украінскія чыноўнікі і вайскоўцы не каментавалі тое, што адбылося.
Апошні раз буйная атака на Белгарад з пачатку поўнамаштабнай расейскай агрэсіі супраць Украіны адбылася 30 снежня 2023 года.
Арсен Рудэнка belsat.eu