Балгарыя і Румынія ў хуткім часе пачнуць выдаваць кароткатэрміновыя шэнгенскія візы замежнікам, паведамляе «SchengenVisaInfo».
Абедзве краіны пачнуць выдаваць шэнгенскія кароткатэрміновыя візы тыпу С, якія будуць дазваляць уезд і перабыванне ў шэнгенскай зоне да 90 дзён на працягу 180-дзённага перыяду.
Выдаваць візы, як мяркуецца, пачнуць з 1 красавіка. Гэта абумоўлена пастановаю Рады Еўразвязу дазволіць Балгарыі і Румыніі часткова ўвайсці ў Шэнгенскую зону.
У сакавіку Еўразвяз пастанавіў адмяніць памежны кантроль на паветраных і марскіх межах з Балгарыяй і Румыніяй.
Раман Шавель belsat.eu
