З 00:00 суботы, 16 красавіка, уводзіцца забарона на перамяшчэнне праз мытную мяжу Еўразійскага эканамічнага саюзу ў Беларусь аўтатранспартных сродкаў (аўтамабіляў і цягачоў), зарэгістраваных у ЕЗ. Пра гэта паведамляе Міністэрства транспарту і камунікацыяў.
Пры гэтым прадугледжаны вынятак: забарона не распаўсюджваецца на аўтатранспарт, што накіроўваецца «праз пэўныя пункты пропуску ў спецыяльна ўстаноўленыя месцы для ажыццяўлення грузавых аперацыяў і перачэплівання». Пералік такіх месцаў вызначаюць улады.
Таксама да 23 красавіка абмежаванне не будзе распаўсюджвацца на аўтамабілі, што заехалі на тэрыторыю Беларусі да 16 красавіка 2022 года.
Зарэгістраваныя ў ЕЗ транспартныя сродкі, што перавозяць паштовыя адпраўленні і жывых жывёлінаў, наогул ідуць без абмежаванняў.
РР belsat.eu
