Як стала вядома «Белсату», 15 чэрвеня адміністрацыя гарадзенскай следчай турмы адмовілася прыняць харчовую перадачу для Вольгі, бо яна – у карцары.
Вольга Маёрава – грамадская актывістка, некалі актыўная сябра Аб’яднанай грамадзянскай партыі.
Жанчыну ўтрымліваюць у зняволенні з 4 студзеня. У той дзень яе забралі з уласнага дому ў вёсцы Нача Крупскага раёну ў так званай справе Мікалая Аўтуховіча. У доме зрабілі ператрус, у выніку якога супрацоўнікі КДБ забралі тэхніку.
Вольгу спачатку трымалі ў СІЗА КДБ, пазней перавялі ў следчую турму ў Горадню.
Якое абвінавачанне выставілі Вользе Маёравай, дагэтуль невядома.
ГГ, belsat.eu