Нацыянальная паліцыя Украіны перадухіліла тэракт супраць кіраўніцтва краіны. Аб гэтым заявіў намеснік кіраўніка МУС Украіны Яўген Енін у эфіры нацыянальнага тэлемарафону.
Паводле яго слоў, тэракт удалося прадухіліць дзякуючы інфармацыі, атрыманай ад аператыўных крыніц.
«Жадаю падкрэсліць, што нам актыўна дапамагае насельніцтва. І шмат у чым дзякуючы інфармацыі, атрыманай ад нашых аператыўных крыніц, нам удалося нават папярэдзіць тэракт супраць кіраўніцтва нашай дзяржавы. Я ўпэўнены, што пасля перамогі можна будзе распавесці пра гэта значна больш», – заявіў Енін у эфіры нацыянальнага тэлемарафона.
Калі менавіта гэта адбылося і іншых падрабязнасцяў намеснік кіраўніка МУС не паведаміў, аднак паабяцаў, што «пасля перамогі можна будзе расказаць пра гэта больш».
Алена Рувіна belsat.eu